দেউতাৰ শুকান মৰিশালিটো-দিপশিখা ৰাজকোঁৱৰ

বাৰীৰ এচুকত দেউতাৰ

শুকান মৰিশালিটো.....

প্ৰতি ক্ষণতে খিৰিকীৰ ফাকেৰে

জুমি জুমি চাই থাকোঁ।

সকলো জানি বুজিও

দেউতাৰ মাত এষাৰ পাবলৈ

অভিমানত উচুপি উঠো

দেউতাৰ শুকান মৰিশালিটোলৈ

নিৰৱে থৰ হৈ চাই থাকিলে

এনে লাগে যেন

দেউতাই মোৰ কাষলৈ আহি

দুচকু মোহাৰি দিব

আৰু মই দেউতাক 

জোৰকৈ সাৱটি ধৰিম।

মই জানো মোৰ হেঁপাহকণ 

কেতিয়াও পূৰ্ণ নহয়

সেয়া কেতিয়াও বাস্তৱ হ'ব নোৱাৰে

তথাপিও অভিমান কৰোঁ 

দেউতাৰ শুকান মৰিশালিটোলৈ চাই।

⚫দিপশিখা ৰাজকোঁৱৰ।