নিয়ৰৰ প্ৰেয়সী- বৰ্ণালী গগৈ

তাই আকৌ ফুলিছে

হয়টো নামিছ শৰৎ,

চৌপাশে বিলাইছে সুগন্ধি

জিলিকিছে জোনৰ ৰূপোৱালী পোহৰত।

নিয়ৰে তাইক চুমি গৈছে

এবাৰ তাই নিয়ৰক কোলাত লৈছে ,

এসময়ত নিয়ৰ কোলাৰ পৰা সৰি পৰিছে!

তাই সৰি গৈ শুভ্ৰতাৰ দলিচা পাৰি 

শৰতক আদৰিছে।

ভালপাই তাই শৰতক

নিয়ৰৰ সতে কৰা ধেমালিবোৰ তাইৰ অতি প্ৰিয় ,

সেইবাবে ৰাতিৰ নিজানত তাই ফুলি উঠে

উৰে নিশা নিয়ৰৰ সতে কথা পাতে ,

দুয়ো সৰি পৰে এখনি জীপাল দলিচা পাৰি

এনেকৈয়ে নামি আহে

স্নিগ্ধ সুবাসৰ নিয়ৰসনা পুৱতি।