শৰাইঘাটৰ ৰণুৱা-ছাইফুদ্দিন আহমেদ

অসমীয়াৰ শৌৰ্য বীৰ্যৰ 

প্ৰতিক তুমি,

অসমৰ বিজয় নিচান ৷

শৰাইঘাটৰ ৰণুৱা বীৰ 

লাচিত তুমি !

তোমাৰ পৰাক্ৰমত 

ৰাম সিংহৰ নেতৃত্বত অহা

বৃহৎ মোগল সৈন্যই ৰণ এৰি 

ছেদেলিভেদেলি হৈ 

নিজৰ প্ৰাণ ৰক্ষা কৰিল গৈ ৷

নৰীয়া গাৰে তুমি যি 

বীৰত্ব প্ৰদৰ্শন কৰি

একে ৰাতিয়ে 

মোমাই কটা গড়বান্ধি,

মোগলৰ লগত 

শৰাইঘাটৰ ৰণ জিকি

ইতিহাস ৰচিলা ৷

যিমান দিনলৈ চন্দ্ৰ, 

সূৰ্য্য থাকিব

অসম অসমীয়াৰ বুকুত তুমি কৰিবা ৰাজত্ব ৷