পুৰণি সাজযোৰ সময়ত সলাই,
লঠঙা বিৰিখৰ ডালে ক'লে ৰিঙিয়াই,
বসন্তত মেলিব কুঁহিপাত,
মন তাতে ইচাত বিচাত,
নতুনক আদৰিবলৈ এখোজ আগুৱায়।
২
শিমলু চকা ফুটুকাত ঘুৰাই,
ডালে ডালে পৰে কত যে চৰাই,
বহল হ'ল ৰাস্তা,
গছ হ'ল সস্তা,
বুঢ়া শিমলুজোপা দিলে বগৰাই।
৩
প্ৰেম ব্যাকুল ফাগুনৰ পছোৱাই,
প্ৰকৃতিৰ চঞ্চল মন নচুৱাই,
সপোন আউলি বাউলি,
বাস্তৱ ধূলি মাকতি,
ডাম্পাৰখনে আহি দিলে মনত পেলাই।
✍️পাপু শইকীয়া
চিনাতলী
ভ্ৰাম্যভাষ :৯৮৬৪৫০২৮৭৩
ধন্যবাদ
ReplyDelete